Lizz Meiring – Met Ander Woorde

Hierdie is ’n slim-snaakse, energieke eenvrouvertoning. Die aweregse, eiesoortige Lizz deel’n versameling sketse, stories en vertellings uit haar eie pen. Met haar buitengewone liefde vir woorde en vlymskerp woordspelings balanseer sy komedie, ironie, satire en patos haarfyn op ’n mespunt. Lizz is ’n teater- en televisie- ikoon wat Suid-Afrikaanse gehore reeds vier-en-dertig jaar vermaak. “Met ander woorde” is Lizz op haar skitterende beste! Dis ongetwyfeld topklas teatervermaak wat nie misgeloop mag word nie.